एम एस एम ई  उद्योगांनी अगदी कमी वेळात उद्योग क्षेत्रात स्वतःचे वेगळे स्थान निर्माण केले आणि भारतीय अर्थ व्यवस्थेला मोलाचे योगदान दिले,  परंतु सर्वात मोठी समस्या,  जी प्रत्येक एम एस एम ईला सतावते,  ती म्हणजे खरेदीदारा कडून थकलेली बाकी रक्कम (Delayed Payment). एम एस एम ई क्षेत्रात साधारणपणे सूक्ष्म, लघु, आणि  मध्याम स्वरूपाचे व्यवसाय येतात. हे उद्योग कमी भांडवल गुंतवणूकीवर सुरु झालेले असतात,  त्यामुळे खेळते भांडवल अतिशय शुल्लक किंवा नगण्य असते. त्यात जर अश्या उद्योजकांकडून वस्तू किंवा सेवा घेऊन इतर कंपनीने त्यांचे पेमेंट वेळेवर केले नाही तर एम एस एम ई उद्योगांना उद्योग चालवणे कठीण होते. बऱ्याच वेळेला मोठया कंपन्या,  छोटया उद्योगांना व्यावसायिक संधी देतात,  परंतु जेव्हा त्यांना थकलेली रक्कम/ पेमेंट देण्याची वेळ येते तेव्हा विविध सबबी द्यायला सुरु करतात आणि पेमेंट उशिरा करतात, आणि थकलेली रक्कम वेळेवर न मिळाल्यामुळे उद्योजकाकडे खेळते भांडवल कमी होते आणि उद्योग चालवणे कठीण. ह्याच आव्हानांना उपाय म्हणून सुरु झाले ‘एम एस एम ई समाधान’,  ज्याचा उपयोग करून उद्योजक थकलेल्या बिलांच्या रक्कमांसाठी एम एस एम ई कडे तक्रार करू शकतात आणि लवकरात लवकर थकलेल्या बिलांची रक्कम मिळवू शकतात.